Pages

Welcome :)

Welcome to my small world that makes me feel alive,i would love to share& dream , wish you can see my small dreams& share out loud with me

Sunday, December 8, 2013

بحر الحياة

بحر الحياة.............
بحر الحياة غدار و احنا لفين رايحيين
شايل معاه اسرار و احنا معاه ماشيين
ايام تفوت و تروح واحنا ولا حاسيين
احلام تعيش وتموت يا قلوبنا يا خايفيين
>>>>وقعدت اسمع منير كتيير كتيير
فضلت اعيد و ازيد فيها
يمكن عشان هو ده اللى انا عايشه فيه
بحر الحياة ....بحر الحياة......ياه ياه
الحياة ياما فيها و فيها 
بس احنا اللى خايفيين نجاريها
الواحد بيعيش بيحاول يعرف هو فين فيها
بيفضل يدور على نفسه اللى تايها وسط ضواحيها
يروح من محطة للتانية يقابل فيها و فيها
فيها وشوش بتضحك و وشوش حزينة
 قلوب صافية و قلوب القسوة فيها
تقابل ده و تسمع لده تصدق ده و تنخدع فى ده
قلبك يحس بامان و يفتكر ان اللى قدامه انسان
يبتدى يغنى كمان و كمان
اصله كان حاسس انه ان الاوان يعزف لحنه اللى مخبيه من زمان
و يبتدى يغنى و يقول و يقول
كان فاكر ان لحنه حيتسمع و فى القلب التانى حيتشال
بس طلع غلطان و لحنه لا اتسمع و لا اتغنى لكنه اتهان
فجأة حس انه مش قادر يكمل و محتاج يرتاح
قعد مع نفسه يحاول يجمع هو ازاى مخدش باله
ان الصوت التانى اللى كان بيغنى معاه هو صدى صوته
ياه ياه على بحر الحياة
بنقابل ناس و ناس
ناس الكلمة عندها عهد
وناس الكلمة عندها ابعد ما يكون من الوعد
كلمة "بحبك" وعد كلمة "مع بعض على الوعد" عهد
ازاى جرح القلوب مش محسوب
ازاى الوعود كلها كلام فاضى مش معقول
ياه ياه على بحر الحياة
الواحد يفضل يحلم و يحلم 
واول مايبقى الحلم حقيقة يطلع كله سراب
يفضل يسأل نفسه مليون سؤال من غير جواب
جواه بركان لا بينطفى و لا بيتشال
اصله مكانش فاكر ان بحر الحياة عالى اوى كده
كان فاكر ان الدنيا ابسط من كده
بس الدنيا علمته و فهمته غلطته
غلطته انه صدق و امن و غنى من قلبه بكل اللى حاسه
ليه مفضلش ساكت و خبى اللى جواه حتى عن نفسه
ماهو ده البنى ادم بيعيش حلم و اول مايقرب و يبقى حقيقة
تييجى الدنيا و بحرها الكبير و يتوه هو ويسلم للمصير 









No comments:

Post a Comment